Bakit si Isko? (Opinyon)

 

·        Sa darating na eleksyon maraming mga kanditato na ang nagpapasikat at nagpapakilala upang suyuin at ligawan ang mga boboto sa papalit na national elections sa darating na Mayo 9, 2022. Mayroong sampu (10) na kandidato ang susubok ilaban ang kanilang sarili at ipanalo ang upuan upang maging pangulo ng Pilipinas na kung saan kanila rin mamanahin hindi lamang ang responsibilidad subalit kasama rin dito ang mga problema na mayroon ang ating bansa. Sa aking palagay mula sa dami ng kanditato na susubok para sa pagka-pangulo, para sa akin ang pipiliin kong iboto ay si Domagoso, Isko Moreno o mas kilala bilang si “Isko”.

·        Bago ko banggitin paano si Isko naging maka-pilipinas, bibigyan ko muna kayo ng pahapyaw na dahilan kung bakit ko pipiliin si Isko bilang aking susunod na pangulo. Una, si Isko sa lahat ng kanditato ang pinakakilala ko dahil mula noong siya ay naging Alkalde ng Manila nasubaybayan ko na ang kaniyang mga ginawa at mga gagawain at masasabi ko rito na consistent si Isko. Pangalawa, si Isko ay bali sa namumukod tanging laban ng the Liberal at mga Apologists, wala siyang panig at kayang kaya niyang makisama. Maari mo man siyang tawaging paniki o balimbing, sa tingin mas importante ngayon na magkaroon ng pinunong kayang kaya magbalanse at makisama sa iba’t ibang mga pinuno ng iba’t iba’t mga grupo at mga political party. Ikatlo at panghuli, sa aking opinyon si Isko para sa akin ay karapat dapat sapagkat Bilis kilos tayo at “God First” tayo sa lahat ng ating mga desisyon. Sapagkat ang diyos ay ang ating dapat maging batayan ang gabay sa pagdesiyon sa buhay.

·         Mula ng aking binasa ang kaniyang mga inihain na plataporma para sa eleskyon masasabi ko na ito ay maka-pilipinas. Kasama sa kaniyang mga plataporma ay ang pagpapatuloy sa BBB o ang Build Build Build Program na inilunsad ng administrasyong duturte. Nais ni Isko na palawigin ang patatayo ng mga Ospital at mga Eskwelahan lalo na sa mga malalayong lugar. Naglalayon din sa BBB ang paggawa at pagpaparami ng mga trabaho. Nais din ni Isko na bigyan ng importansya at pabutihin ang sektor ng agrikultura sa pamamagitan ng paggamit ng mga bagong teknolohiya, sapagkat ang agrikultura ay ang isa sa mga pinakaimportanteng sektor sapagkat pinapakain nito ay buong populasyon. Papalakasin rin ni Isko ang kultura at pagiging mamamayan ng mga Pilipino sa pamamagitan ng pagpapaganda ng mga historic sights at pagtatayo ng Department of National Culture and History at konstruksyon para sa Iloilo-Guimaras Bridge. Maliban diyan marami pang mga proyekto at mga naging nagawa si Isko, tulad ng advanced pandemic response sa lungsod ng Manila, na naging isa sa mga pinaka-epeketibong lungsod sa paglaban ng COVID-19.

·        Marami mang magandang nagawa si Isko, bilag isang mamboboto, hindi ako ilang sa limitasyon ni Isko bilang mambabatas at bilang isang tao. Hindi ko masasabi na si Isko ay isang politikong walang pahid ng korupsyon at isang politikong perpekto. Maraming nagawa si Isko at may nagawa rin siyang mga bagay na hindi kaaya aya. Mayroon siyang nakaraan noon na dawit sa isang corruption case at marami pang iba. Mayroon din akong ibang hindi pag-sangayon kay Isko tulad ng pagtayo at pagbubukas muli ng Bataan Nuclear Power Plant kung saan si Isko ay di payag buksan muli ito.

·        Pero sa huli si Isko Moreno, parin ang iboboto ko, naniniwala ako sa kaniyang kakayahan at isa rin siya sa mga idolo kong mayor sa Pilipinas. Para sa akin di natin kailangan ang isang pangulong sobrang linis, para sa akin mas’ gusto ang isang pangulo ng may naging karanasan sa dalawang panig ng ilaw (Dark Force). Maraming salamat sa pag-basa ng aking opinyon! Mabuhay ang pagpalain ka ng Diyos!